Tónleikar Fóstbræðra á allra heilagra messu 1. nóvember kl. 20:00 bera nafnið Til ljóssins og lífsins sem er heiti á geisladiski sem kom út í lok síðasta árs og má segja að þetta séu nokkurskonar útgáfutónleikar. Á þessum geisladiski eru sálmar og lög sem hafa unnið sér sess við ýmsar kirkjulegar athafnir svo sem jarðarfarir og brúðkaup, og er oft óskað eftir söng Fóstbræðra við slíkar athafnir. Flutt verða lög af diskinum ásamt fleiru. Einsöngvarar koma úr röðum kórmanna, Jón Stefánsson spilar á orgel. Stjórnandi kórsins er Árni Harðarsson. Á þessum tónleikum verður farið nýjar leiðir að því leyti að notast verður við mynda- og ljósatækni með söngnum eftir hugmyndum Helenar Jónsdóttur danshöfundar. Óhætt er að fullyrða að þetta verða eftirminnilegir tónleikar.

Miðaverð er kr. 2500

Forsala aðgöngumiða er hjá kórmönnum og einnig verða miðar seldir við innganginn á meðan húsrúm leyfir.